અંગ્રેજીનું ગુજરાતી

                                                                               

                                                  અંગ્રેજીનું ગુજરાતી

     નીચે થોડા અંગ્રેજી શબ્દો લખ્યા છે, તે દરેકનો ગુજરાતીમાં અર્થ શું થાય તે લખો. 
દા.ત. Table – મેજ.  ( ડિક્શનરીમાં જોવાની છૂટ છે.)

      Ticket
     Police
     Car
     Phone
     Collector
     Notebook
     Driver
     Film
     Office
     Bank
     Conductor
     Doctor
     Station
     Pen
     Pilot
     Train
     Television
     Pencil
     Motor
     Cinema
     Chalk
     Bus
     Computer
     Platform
     College
     Photo
     File
     Railway

નોંધ : હાલ હું અમેરિકામાં છું. બે દિવસ પછી અમદાવાદ જવા નીકળવાનો છું. ત્યાં સેટિંગ થવામાં થોડા દિવસ લાગશે. આથી લગભગ આઠ-દસ દિવસ સુધી હું નવી પોસ્ટ નહિ મૂકી શકું.

Advertisements

ડોક્ટર અને દર્દીના જોક્સ

                                                      

                                                 ડોક્ટર અને દર્દી

(૧) એક બહેન ડોક્ટર પાસે ગયાં. ડોક્ટરે પૂછ્યું, “બોલો બહેન, શું તકલીફ છે ?”
       બહેન બોલ્યાં, “ડોક્ટર સાહેબ, મને જમ્યા પછી ભૂખ જ લાગતી નથી.”

(૨) એક બહુ જાડાં બહેન ડોક્ટર પાસે ગયાં અને કહ્યું, “ડોક્ટર સાહેબ, મારે પાતળા થવું છે તો શું
      કરવું ?”
     ડોક્ટર કહે, “તમારે પાતળા થવા માટે લીલી શાકભાજી, ફળ, ખાખરા, મમરા, છાશ, કોરી
     રોટલી, મગ એવું બધું ખાવું જોઈએ.”
     પેલા બહેને કહ્યું, “આ બધું મારે જમ્યા પહેલાં ખાવાનું કે જમ્યા પછી ?”

(૩) એક માણસથી બહુ જ ખવાઈ ગયું, એટલે એ ડોક્ટર પાસે ગયો, ” ડોક્ટર, મને બહુ જ
       ખવાઈ ગયું છે, એટલે પેટમાં દુખે છે”
      ડોક્ટર કહે, “લો, આ ગોળી ખાઈ લો, સારું થઇ જશે.”
      પેલો માણસ કહે, “ડોક્ટર સાહેબ, એક ગોળી ખાવા જેટલી જગા જો પેટમાં રહી હોત, તો મેં
      એક રોટલી વધારે ના ખાધી હોત ?”

(૪) એક માણસ ડોક્ટર પાસે ગયો અને બોલ્યો, “ડોક્ટર સાહેબ, હું દારૂ પીઉ ત્યારે મને એક
       વસ્તુ બબ્બે દેખાય છે.”
      તો ડોક્ટર કહે, ” પણ એમાં ચાર ચાર જણા ફરિયાદ કરવા કેમ દોડી આવ્યા છો ?”

દાખલાના જવાબો

            

              મેં ૧૧ ફેબ્રુઆરીએ મુકેલ દાખલાના જવાબ આજે લખું છું.

             (૧)   ૨ રૂપિયા

             (૨)   ૪૫ના ચાર ભાગ ૮, ૧૨, ૫ અને ૨૦.

             (૩)   ૯ મીનીટ

             (૪)   ૨

             (૫)   ટાવરની ઊંચાઈ ૩૦૦ મીટર

ડલ્લાસનાં હિન્દુ મંદિરો

                                       ડલ્લાસનાં હિન્દુ મંદિરો  

     મંદિર એ એક એવું પવિત્ર સ્થાન છે જ્યાં જનાર દરેકને મનમાં શાંતિ મળે છે, સારા વિચારો આવે છે અને દુષ્ટ વિચારોનો નાશ થાય છે. આપણી હિન્દુ પ્રજા ધર્મપ્રિય પ્રજા છે. હિન્દુઓમાં ધર્મની વિવિધતા પણ ઘણી છે. એટલે જેટલા ધર્મ એટલા ભગવાન એ ન્યાયે હિન્દુઓનાં મંદિરો પણ ઘણાં છે. હિન્દુઓ દુનિયામાં જ્યાં જ્યાં જઈને વસ્યા છે, ત્યાં બધે તેમણે મંદિરો સ્થાપ્યાં છે. અમેરિકામાં હિન્દુઓ મુખ્યત્ત્વે ન્યુ યોર્ક, જર્સી સીટી અને શિકાગોમાં વસ્યા છે. જો કે આ સિવાય પણ સાનફ્રાંસિસ્કો, ડલ્લાસ, હ્યુસ્ટન, એટલાન્ટા, સીએટલ, લોસ એન્જીલસ વગેરે શહેરોમાં પણ હિન્દુઓની વસ્તી છે. અહીં બધે હિન્દુઓએ મંદિરો ઉભાં કર્યાં છે.
     અહીં આપણે ડલ્લાસ શહેરનાં મંદિરોની વાત કરીશું. ટેક્સાસ રાજ્યમાં આવેલા આ શહેરમાં ગુજરાત, મહારાષ્ટ્ર, તમિલનાડુ, કેરાલા, આન્ધ્રપ્રદેશ, કર્ણાટક, બિહાર, રાજસ્થાન એમ લગભગ બધા પ્રાંતના લોકો વસે છે. એટલે બધા ધર્મના લોકોને એક જ જગાએ દર્શન કરવાની તક મળે એ હેતુથી અહીં એક મોટું હિન્દુ ટેમ્પલ બનાવવામાં આવ્યું છે. ડલ્લાસના અરવિંગ વિસ્તારમાં આવેલા આ મંદિરનું બાંધકામ ભવ્ય છે, વિશાળ પાર્કિંગ છે, કોઈ ધાર્મિક પસંગ ઉજવવાનો હોય કે સભા કે વ્યાખ્યાન ગોઠવવાનાં હોય તો તે માટે અલાયદો મોટો હોલ છે તથા ખુલ્લામાં બેસવું હોય તો સરસ લોન પણ છે.
નિજ મંદિરમાં કુલ અગિયાર મંદિર છે. શ્રીશિવજી(સોમનાથ), શ્રીમહાલક્ષ્મીજી, શ્રીવેંકટેશ્વર (બાલાજી), શ્રી ગણેશજી, શ્રીમુરુગન(કાર્તિકેય), શ્રીરાધાકૃષ્ણ, શ્રી શ્રીનાથજી, શ્રીઅય્યપા, શ્રીરામ-લક્ષ્મણ-સીતા-હનુમાન, શ્રીજગદંબા અને શ્રી વિઠ્ઠલ-રુખુમાઈજી એમ બધા ધર્મનાં મંદિરો છે. નિજ મંદિરના વિશાળ હોલમાં દર્શન કરીને બેસવાની સરસ સગવડ છે. મંદિરમાં સમય પ્રમાણે દર્શન આરતી થતાં હોય છે. પૂજારીઓ અને સેવાભાવી લોકો સારી સેવા આપે છે. મંદિરમાં પૂજાવિધિ પણ કરાવી શકાય છે. નિજ મંદિરની બાજુના રૂમમાં નવગ્રહ મંદિર, હનુમાનજી, દત્તાત્રેય અને ગાયત્રી મંદિર છે. બાજુમાં અન્ય પ્રવૃત્તિ માટે એક હોલ છે.
     સામાન્ય રીતે દર રવિવારે દર્શનાર્થીઓની ભીડ વધુ હોય છે. રવિવારે બપોરે દર્શન પછી મંદિર તરફથી જમવાની વ્યવસ્થા પણ હોય છે. મંદિરમાં જન્માષ્ટમી, હોળી, દિવાળી જેવા તહેવારો ખૂબ ધામધૂમથી ઉજવાય છે. આ તહેવારો પ્રસંગે હજારો હિન્દુઓ ઉમટી પડે છે, તે વખતે તો એમ જ લાગે કે આપણે આપણા ભારતમાં જ છીએ. અહીં રહેતા લોકોને વતનની યાદ તો સતાવતી હોય છે જ.
હિન્દુ ટેમ્પલમાં ગુજરાતી, હિન્દી, તમિલ, તેલુગુ વગેરે ભાષાઓ શીખવાના કલાસીસ પણ ચાલે છે. જેને ઇચ્છા હોય તે શીખવા તેમ જ શીખવવા જઈ શકે છે.
     ડલ્લાસમાં હિન્દુ ટેમ્પલ ઉપરાંત સ્વામીનારાયણ મંદિર, સાંઈમંદિર, ગણેશ મંદિર, હનુમાનજી મંદિર, રામજી મંદિર અને કાલાચંદજી મંદિર આવેલાં છે. અહીં જૈન અને બૌદ્ધ મંદિરો પણ છે. હનુમાનજી મંદિરમાં ભાષાઓના કલાસીસ ઉપરાંત નવરાત્રી પ્રસંગે ગરબા અને દિવાળીના તહેવારોમાં ફટાકડા ફોડવાના કાર્યક્રમો પણ યોજાય છે.
     હાલ અમે ડલ્લાસમાં છીએ. અમને હિન્દુ ટેમ્પલ, સાંઈમંદિર, ગણેશજી મંદિર અને હનુમાનજી મંદિરમાં દર્શન કરવા જવાની તક મળી. હિન્દુ સંસ્કૃતિનાં પ્રતિક સમાં મંદિરો જોઈને ખૂબ આનંદ આવ્યો. ભારતીયો દુનિયાને છેડે વસે તો પણ ભગવાનમાં એવી ને એવી જ આસ્થા ધરાવે છે, એની અહીં પ્રતીતિ થઇ.

દાખલા

આજે પાંચ સહેલા દાખલા મૂકું છું. ગણવાનો પ્રયત્ન કરજો. મઝા આવશે.

(૧) મારી પાસે અમુક રૂપિયા છે. તેમાંથી અડધા તમને આપું, તમે તેમાંથી એક રૂપિયો મને પાછો આપો તો મારી પાસે શરૂઆતમાં હતા તેટલા રૂપિયા થઇ જાય, તો મારી પાસે શરૂઆતમાં કેટલા રૂપિયા હશે ?

(૨) ૪૫ ના એવા ચાર ભાગ કરો કે જેથી પહેલા ભાગમાં ૨ ઉમેરવાથી, બીજા ભાગમાંથી ૨ બાદ કરવાથી, ત્રીજા ભાગને ૨ વડે ગુણવાથી અને ચોથા ભાગને ૨ વડે ભાગવાથી જવાબ એકસરખો આવે.

(૩) એક પેન્સીલના દસ સરખા ટુકડા કરવા છે. એક ટુકડો કરતાં ૧ મીનીટ લાગે તો દસ ટુકડા કરતાં કેટલી મીનીટ લાગે ?

(૪) એવી કઈ સંખ્યા છે કે જેમાં ૨ ઉમેરવાથી કે જેને ૨ વડે ગુણવાથી જવાબ એકસરખો આવે ?

(૫) એક ટાવરની અડધી ઊંચાઈમાં ૧૫૦ મીટર ઉમેરીએ તો તેની આખી ઊંચાઈ આવી જાય, તો તેની આખી ઊંચાઈ કેટલી ?

અમેરિકાનો સુપરબોલ

છઠ્ઠી ફેબ્રુઆરી,રવીવારે અમેરિકાએ એક મહાઉત્સવ મનાવ્યો.  એ હતો ફૂટબોલની ફાઈનલનો ઉત્સવ સુપરબોલ(super bowl).  આ વખતે આ ફાઈનલ ટેક્સાસ રાજ્યના ડલ્લાસ શહેરમાં આર્લિંગટન નામના વિસ્તારમાં યોજાઈ. આપણે ત્યાં જેમ ક્રિકેટનું આકર્ષણ હોય છે અને ફાઈનલ હોય ત્યારે તો સ્ટેડીયમમાં,ટીવી પર અને ઓફિસોમાં ક્રિકેટનો જાદુ છવાઈ જતો હોય છે,એવો  જ ઉન્માદ અહી અમેરિકાના લોકોને સુપર બોલ માટે છે.
આ રમતને ફૂટબોલ એટલા માટે કહે છે કે તેમાં વપરાતો નાળીયેર આકારનો બોલ એક ફૂટ લાંબો હોય છે. આપણે જેને ફૂટબોલ (પગથી લાત મારીને રમાતી રમત) કહીએ છીએ , એના કરતાં આ જુદી રમત છે. સ્ટેડીયમમાં રમત રમાતી હોય ત્યારે વરસાદ પડે કે બરફવર્ષા થાય તો પણ રમત ચાલુ રહે છે.
સુપરબોલ યોજાવાનો હતો તેના લગભગ વીસ દિવસ અગાઉથી આર્લિંગટન અને આખા ડલ્લાસની હોટલોનું બુકિંગ થઇ ગયું હતું.  છેક  ન્યુયોર્ક અને શિકાગોથી લોકો ખાસ આ સુપરબોલની મેચ જોવા માટે હોટલો બુક કરાવતા હતા.  હોટલો બુક થઇ જતાં, જે લોકોનાં ઘર ખાલી હતાં કે અમુક રૂમ ખાલી હતા, એ પણ એમણે ભાડે આપવા માંડ્યા હતા.  ભાડું કેટલું ધારો છો? મેચનાં એક દિવસ પૂરતા રોકાણ માટે ૫૦૦૦ ડોલર સુધીનાં ભાડાં મકાનમાલિકોએ પડાવ્યાં અને આવાં ભાડાં ખર્ચનારા લોકો પણ હતા !

આ વખતની ફાઈનલ ગ્રીનબે પેકર્સ અને પીટ્સબર્ગ સ્ટીલાર્સની ટીમો વચ્ચે હતી. ફાઈનલ સુધી પહોંચેલી બંને ટીમો બહુ જોરદાર હતી. બંને ટીમોના બધા જ ૧૧ -૧૧ ખેલાડીઓ, વિશ્વના શ્રેષ્ઠ ખેલાડીઓ હતા. તેમને રમતા જોવા એક લ્હાવો  હતો.  જે લોકો નજરોનજરનો નઝારો જોવા સ્ટેડીયમમાં ગયા ના હતા, એ બધા પોતાનાં ઘરોમાં ટીવી આગળ ગોઠવાઈ ગયા હતા.  આપણા ભારતીય લોકો,જે અહી અમેરિકામાં રહે છે તેમને પણ એટલી જ ઉત્તેજના હતી. તમે રોડ પર જુઓ તો ટ્રાફિક નહીવત લાગે. આપણે  ત્યાં ઉત્તરાયણ પર જેમ રોડ પર ટ્રાફિક બહુ જ ઓછો દેખાય એવું અહી હતું. સ્ટેડીયમમાં ન ગયા હોય એવા ઘણા રસિકો અને શોખીનો તો પોતાના મિત્રોનું ગ્રુપ બનાવી બીયર અને ચીપ્સ ખાતાં ખાતાં ટીવી પર મેચની મઝા માણે અને ડીનરપાર્ટી  યોજે. અહી સ્પોર્ટ્સ બાર અને રેસ્ટોરન્ટસ પણ ભરચક હોય. લોકો નાચે,કુદે અને મુક્તમને પ્રસંગને માણે.આમ આ એક મોટો સામાજિક ઉત્સવ જેવું લાગે.
સ્ટેડીયમની ટીકીટોના ભાવ આઠસો ડોલર તો સામાન્ય કહેવાય. વીઆઈપી ટીકીટોના ભાવ તો ૫૦૦૦ ડોલર સુધીના હતા. આટલા ઉંચા ભાવ હોવા છતાં, સ્ટેડીયમની ક્ષમતા લાખો લોકોને સમાવાય તેટલી હોવા છતાં  છેલ્લે ટીકીટો મળતી ન હતી. અમેરિકાના એક વખતના પ્રેસીડન્ટ જ્યોર્જ બુશ મૂળ ટેક્સાસ રાજ્યના વતની છે, તેમના વતનમાં આ મેચ રમાતી હતી એટલે તેઓ પણ સ્ટેડીયમમાં મેચ જોવા પધાર્યા હતા. આ ઉપરાંત ઘણી સેલેબ્રિટીઝ પણ હાજર હતી.  આ વખતે કંઈક ભૂલ થઇ જતાં, સ્ટેડીયમમાં જેટલી જગા હતી એના કરતાં ૧૨૦૦ ટીકીટો વધુ વેચાઈ ગઈ હતી.  આ ૧૨૦૦ લોકોને પ્રવેશ ના મળ્યો એટલે તેઓ ખૂબ જ ઉશ્કેરાટમાં હતા. સત્તાવાળાઓએ છેવટે નિર્ણય લીધો કે તેમને દરેકને ૮૦૦ ડોલરની ટીકીટના બદલામાં ૨૪૦૦ ડોલર પાછા આપવા ત્યારે  મામલો થોડો થાળે પડ્યો, પણ છાપાં અને મીડિયાએ તો આ બાબતને પ્રસિદ્ધિ આપી જ.
મેચમાં પળે પળે લોકોની ઉત્તેજના વધતી જતી હતી. છેલ્લી ઘડી સુધી કોણ જીતશે એ નક્કી ન હતું. ઘડીકમાં પલ્લું પેકર્સની બાજુ તો ઘડીકમાં સ્ટીલર્સ તરફી નમતું દેખાતું હતું. પરાકાષ્ઠાની ક્ષણો પછી છેલ્લે પેકર્સની ટીમ વિજયી થઇ ત્યારે લોકોએ જે આનંદ મનાવ્યો છે, તેના વર્ણન માટે શબ્દો ઓછા પડે. હાજરાહજુર રહીને કે ટીવી પર જ એ દ્રશ્યોને માણી શકાય. લોકોએ ફટાકડા ફોડીને,જાતજાતના ગુબ્બારા આકાશમાં ચડાવીને,રંગબેરંગી પતાકાઓની વર્ષા કરીને મોટા મોટા અવાજોથી સ્ટેડીયમને ગજવી મૂક્યું. એ પળો માણવાનો આનંદ જ કંઈક અદભૂત હતો.
દર વર્ષે  ફેબ્રુઆરીના પહેલા રવિવારે યોજાતી આ મેચના પ્રસંગે આ વખતે અમે નસીબજોગે ડલ્લાસમાં હતા એટલે સ્ટેડીયમમાં ભલે નહોતા ગયા પણ બાકીનો માહોલ માણવાની તક તો મળી. ફોકસ ૪ ટીવીનું પ્રસારણ ઘણું જ સરસ હતું,ટીવીના પ્રસારણમાં વચ્ચે વચ્ચે જે જાહેરાતો આવે એ ખાસ પ્રકારની  હોય છે, એ જાહેરાતો તમે ક્યારેય ના જોઈ હોય એવી યુનિક હોય છે, તે ફરીથી રીપીટ નથી થતી. એ જાહેરાતોના દામ તો આપણે કલ્પના ના કરી શકીએ એટલા બધા હશે જ. (એક જાણકારી પ્રમાણે આ વર્ષે એક કંપનીએ ૩૦ સેકંડની જાહેરાતના ૩ મિલિયન ડોલર આપ્યા હતા.)
આપણને ભારતમાં આ રમતનું મહત્વ કદાચ બહુ નહિ હોય પણ અહી અમેરિકા તો એની પાછળ ઘેલું છે. તક મળે તો આવતા ફેબ્રુઆરીમાં સુપર બોલ ફાઈનલ ને જરૂર જોજો.

“ગુજરાતીમાં નામ શોધો” નો જવાબ

  આજે “ગુજરાતીમાં નામ શોધો” નો જવાબ લખું છું. ઇંગ્લીશમાં લખેલ શબ્દોનો ગુજરાતી અર્થ લખવાનો હતો, એટલી શરત કે જે જવાબ લખ્યો હોય તે કોઈ છોકરા કે છોકરીનું નામ હોવું જોઈએ. નીચે જવાબ લખ્યા છે. દરેકમાં એક કરતા વધુ જવાબ હોઈ શકે. અહી ફક્ત એક જ જવાબ લખ્યો છે. જે વાચકોએ જવાબ મોકલ્યા છે, તેમને લીધેલ રસ બદલ અભાર.

Peacock         = મયુર
Inspiration    = પ્રેરણા
Fame             = ખ્યાતિ
Clever           = પ્રવીણ  
Prayer          = પ્રાર્થના
Politeness     = નમ્રતા
Sky                = આકાશ
Flower           = કુસુમ
Hundred tap  = સોનલ
Courtesy       = વિવેક
Worship        = પૂજા
Rain               = વર્ષા
Morning        = ઉષા
Vision            = દ્રષ્ટિ
Soil                 = ભૂમિ
Flute              =બંસી
Spring            = વસંત
Direction       = દિશા
Sun                = સુરજ
Art                 = કલા
Sound            = ધ્વનિ  
Ray                = કિરણ
Night             = નિશા
Event            = ઘટના
Light             = પ્રકાશ  
Hope             = આશા
Sea                = સાગર
Moon shine  = ચાંદની

Previous Older Entries