મંદિરોને મળતા દાનનો સદુપયોગ

                       મંદિરોને મળતા દાનનો સદુપયોગ

થોડાં વર્ષો પહેલાં, દક્ષિણ ભારતના કોઈ મંદિરમાં તપાસ કરતાં, તેમાંથી અઢળક ધન, સોનું અને ઝવેરાત મળી આવ્યાં હતાં. ભારતનાં પ્રખ્યાત મોટાં મંદિરોને કરોડો રૂપિયાનું દાન મળે છે, એ તો જાણીતી વાત છે. આવાં મોટાં મંદિરોમાં તિરુપતિ બાલાજી, અમૃતસરનું સુવર્ણ મંદિર, શિરડીનું સાંઈબાબા મંદિર, કેરાલાનું પદ્મનાભસ્વામી મંદિર, સ્વામીનારાયણ અને જૈન મંદિરો વગેરે ગણાવી શકાય. શ્રદ્ધાળુ અને પૈસાપાત્ર લોકો મંદિરોને દાન આપ્યા જ કરે છે.

મંદિરો, આવા દાનમાં મળેલા ધનનું કરે છે શું? અલબત્ત, મંદિરનો વહીવટ કરવામાં અમુક ટકા રકમ વપરાઈ જાય, પણ પછી મોટા ભાગના ધનનો તો સંગ્રહ જ થાય છે. ભારત જેવા દેશમાં આવું અઢળક ધન સંગ્રહાયેલું પડી રહે, એનો કોઈ જ સદુપયોગ ના થાય, એ યોગ્ય લાગે છે ખરું?

મંદિરના વહીવટકર્તાઓ જો આ દિશામાં વિચારે તો તેઓ આ પૈસાનો સદુપયોગ કરી શકે. આ પૈસા ક્યાં વાપરી શકાય, તે જણાવું?

(૧) આ પૈસામાંથી દેશમાં ઘણી સ્કૂલો અને કોલેજો ખોલી શકાય, જ્યાં ગરીબ અને જરૂરતમંદ વિદ્યાર્થીઓને મફત અથવા મામુલી ફી લઈને ભણાવી શકાય.

(૨) ગરીબ લોકોને હોસ્પિટલનો ખર્ચ પોષાતો નથી હોતો. મંદિરના ધનનો આ માટે ઉપયોગ કરી શકાય.

(૩) મંદિરમાં દરરોજ જમવાની વ્યવસ્થા રાખી શકાય. ગરીબ લોકો ત્યાં આવીને જમી શકે. જો કે ઘણાં મંદિરોમાં આવી વ્યવસ્થા છે જ. જેવાં કે વીરપુરનું જલારામ મંદિર, લીમડી પાસે જાખણનું મંદિર વગેરે.

(૪) ગરીબો માટે સાવ સસ્તા ભાવે, રહેવા માટેનાં મકાન બાંધી શકાય.

(૫) ઘણા નાના ઉદ્યોગો શરુ કરી શકાય, જેમાં જરૂરીયાતમંદોને રોજગારી મળી શકે.

(૬) એવી દુકાનો શરુ કરી શકાય કે જેમાં સાવ સસ્તા ભાવે જીવન જરૂરિયાતની ચીજવસ્તુઓ મળી શકે.

(૭) મંદિરના પૈસા સરકારી યોજનાઓમાં પણ રોકી શકાય.

મંદિરના પૈસા આ બધામાં રોકાય તો ભારતમાં ગરીબી રહે ખરી? સમાજના નીચલા વર્ગના લોકોનું જીવન ખૂબ સુખી થઇ જાય. પણ આને માટે જરૂરી છે કે મંદિરો આ દિશામાં વિચારતાં થાય. આવી વિચારણા થાય એ માટેનો માહોલ પણ ઉભો કરવો પડે. જાગૃતિ લાવવી પડે. આવી યોજનાઓમાં ભ્રષ્ટાચાર ના થાય એનું પણ ધ્યાન રાખવું પડે. આપણા હાલના વડાપ્રધાન દેશના વિકાસ માટે ઘણાં પગલાં લઇ રહ્યા છે. મંદિરોના ધનના ઉપયોગ અંગેની બાબત પણ તેમના ધ્યાનમાં હોવાની જ. આપણે આશા રાખીએ કે ક્યારેક આ દિશામાં નક્કર કામ થાય.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

%d bloggers like this: